Cebu Port Authority slashes fees for two months amid rising fuel costs
Subay sa nagpadayong pagsaka sa presyo sa lana tungod sa krisis sa Middle East, giaprobahan sa Cebu Port Authority (CPA) ang pagpatuman sa discounts ug suspensiyon sa port charges sud sa duha ka buwan.
Subay kini sa nagpadayong pagsaka sa presyo sa lana tungod sa krisis sa Middle East.
Gipahibalo sa CPA nga giaprubahan niini ang paghatag og discount sa Berthing Fees alang sa domestic vessels sa pantalan sa Sugbo sugod Abril 18, 2026.
Lakip na niini ang 40 porsiyento nga diskwento sa anchorage fees, Roro Wharfage Fees alang sa cargo vehicles nga nagkarga og agricultural products sa mosunod:
a. 6-wheelers (4,800-7,500 kg)
b. 6-wheelers, prime movers nga way trailer (7,600-15,000 kg) c. 8-wheelers, tank lorries, ug 10-wheel straight trucks (20,000-25,000 kg) d. 10-wheel prime movers nga dunay trailers (26,000 kg pataas)
Gawas niini, gisuspenso sab ang Passenger Terminal Fees sa tanang CPA-operated terminals.
Lakip sa gisuspenso ang Single Entry Pass, Watering Permit, Bunkering Permit, ug uban pa'ng Harbor Control Center (HCC)-approved permits.
"These measures effectively position CPA to absorb part of the operational costs of port operations ensuring the uninterrupted delivery of essential services, including infrastructure maintenance, utilities, sanitation, security and emergency response," saysay sa CPA.
Gihimug-atan ni CPA General Manager Francisco Comendador III nga kini gihimo aron maluag-luagan ang hagit sa mga stakeholder ug sa publiko.
Sa pagkakaron, gipatuman sab sa CPA ang pagdaginot sa kuryente ug krudo. Lakip ang 4-day work week alang sa non-frontline personnel, paggamit og solar lighting sa port facilities, limitadong biyahe o lakaw ilabi na kon dili emergency, pagpahigayon og virtual meetings, ug pagkanselar sa non-essential travel. / ANV
Read also:
- India's Agriculture Minister Reviews Sector Progress Amid Heavy Rains, Crop Areas Up
- Over 1.7M in Baden-Württemberg at Poverty Risk, Emmendingen's Housing Crisis Urgent
- Life Expectancy Soars, But Youth Suicide and Substance Abuse Pose Concern
- Cyprus, Kuwait Strengthen Strategic Partnership with Upcoming Ministerial Meeting
